Африкалық құраманың жанкүйерлері АҚШ-та өтетін әлем чемпионатына бара алмайды
Сенегал құрамасы 11 маусым мен 19 шілде аралығында АҚШ, Канада және Мексикада өтіп жатқан әлем чемпионатында жанкүйерлеріне арқа сүйей алмайды. "Теранга арыстандарының" жанкүйерлеріне де, Кот-д’Ивуар жанкүйерлері секілді, АҚШ-қа кіруге виза берілмегені туралы Sports24.kz хабарлайды.
Нәтижесінде, Сенегал ұлттық құрамасын қолдау үшін АҚШ-қа ресми жанкүйерлер делегациясы бармайды, деп хабарлады африкалық елдің билігі AFP агенттігіне. Бұл жағдайды бірнеше күн бұрын сомалилік төреші Омар Абдулкадир Артанға АҚШ-қа кіруге рұқсат берілмегені одан әрі күрделендіріп отыр.
Сенегал әлем чемпионатындағы жорығын 16 маусымда Францияға қарсы, I тобындағы алғашқы матчынан бастайды. Одан кейін "Теранга арыстандары" 23 маусымда Норвегиямен, 26 маусымда Иракпен кездесіп, топтық кезеңді аяқтайды.
Айта кетейік, бұған дейін жұлдызды футболшының Канадаға қылмыстық іс бойынша кіре алмағаны хабарланған болатын.
