«Бернли» – «Бристоль Сити». Сатпаев гол соға ма? Онлайн көру. LIVE-трансляция
Сенбі, 5 қыркүйекте «Бернли» Англия Чемпионшипінің бесінші туры аясында өз алаңында «Бристоль Ситимен» кездеседі, деп хабарлайды Sports24.kz.
«Бернли» – «Бристоль Сити» матчы Қазақстан уақытымен сағат 19:00-де басталады. Кездесудің тікелей трансляциясын онлайн көруге болады.
Төрт турдан кейін «Бернли» екі ұпай жинап, чемпионатта әлі жеңіске жете алған жоқ. Команда екі рет тең түсіп, екі рет жеңілді. Алдыңғы турда «Бернли» өз алаңында «Мидлсбромен» 1:1 есебімен тең ойнаса, оған дейін «Норвичтен» 1:4 есебімен жеңілген.
Ал «Бристоль Сити» жеті ұпай жинады. Соңғы турда команда сырт алаңда «Престонды» 3:1 есебімен жеңсе, оған дейін өз алаңында «Портсмуттан» 2:1 есебімен басым түсті.
«Бернли» сапында Қазақстан құрамасының шабуылшысы Дастан Сатпаев өнер көрсетеді. Осы маусымда ол ағылшын клубы үшін төрт матч өткізіп, әзірге нәтижелі әрекеттерімен көзге түскен жоқ.
Алайда «Мидлсброға» қарсы соңғы ойында Сатпаев негізгі құрамда алаңға шығып, шамамен 80 минут ойнады және матчтың үздік ойыншысы атанды.
Сатпаевтың алдағы кездесуде де алаңға шығуы күтілуде.
