«Барыстың» «Ақ Барсқа» қарсы матчтағы жеңілісінің бейнешолуы
Астаналық «Барыс» Қазан қаласында өткен Құрлықтық хоккей лигасының матчында «Ақ Барстан» ойсырай жеңілді — 1:4, деп хабарлайды Sports24.kz.
Матчтың басында есепті алғаш болып Михаил Кравец шәкірттері ашты, алайда ерте соғылған шайба жеңісті есепті сақтап қалуға көмектеспеді. «Барыс» екінші кезеңнің басын өте сәтсіз өткізіп, үш минутқа жуық уақыт ішінде қақпасына қатарынан үш шайба жіберіп алды.
Астаналықтардың бас бапкері бұл жағдайға қақпашыны ауыстыру арқылы жауап берді. Бұл шешім қорғаныста көмектескенімен, шабуылда нәтиже бермеді: «Барыс» матч соңына дейін бұдан былай гол соға алмады, ал кездесудің соңына қарай төртінші шайбаны жіберіп алды. Осы гол матчтың қорытынды есебін белгіледі — «Ақ Барстың» пайдасына 4:1.
Кездесудің бейнешолуын назарларыңызға ұсынамыз:
