Кравец «Барыстың» ҚХЛ-дегі қатарынан үшінші жеңілісінің себептерін атады
«Барыс» бас бапкері Михаил Кравец ҚХЛ аясында «Ақ Барыстан» жеңілудің себептерін атады, деп хабарлайды Sports24.kz.
Астаналық клуб Қазанда 1:4 есебімен жеңілді. Бұл Кравец шәкірттерінің ҚХЛ-дегі қатарынан үшінші жеңілісі болды.
«Бүгінгі ойында кері қайту нүктесі ретінде екінші кезеңді атауға бола ма? Расында, екінші кезеңде 0:3 есебімен жеңілдік. Қарапайым қателер жібердік. Шайба қарсыластың аймағына өтуі керек. Біз оны жоғалтып алдық – қарсы шабуылдар басталды, қақпаға бір ойыншымен шығу жағдайлары болды. Өкінішке қарай, осындай сәттерді түзету қажет. Кейін ойынды өзгерткендей болдық, мүмкіндіктер болды, бірақ гол соға алмадық. Қатаңырақ ойнау керек. Қорғаныс – ең бастысы.
Тұрақты чемпионаттағы қатарынан үш жеңіліс пе? Бұл – хоккей. Бәрі де жеңіледі. Тырысу, бір нәрсені өзгерту, жағдайды түзету қажет. Сондықтан қолды түсірмейміз, күресті жалғастырамыз», – деп жаттықтырушының сөзін Sports.kz келтіреді.
10 матчтан кейін «Барыс» 10 ұпаймен ҚХЛ-дің Шығыс конференциясында бесінші орында тұр. 2 қазанда астаналық команда сырт алаңда «Нефтехимикке» қарсы ойнайды.
