ВИДЕО: «Қайраттың» Конференция лигасындағы старты
15 қазанда «Қайрат» УЕФА Конференция лигасының 2026-27 жылғы маусымындағы негізгі кезеңде алғашқы матчын өткізді, деп хабарлайды Sports24.kz.
Негізгі кезеңнің бірінші турында алматылық клуб Латвияның «Рига» ФК командасына қонаққа барды. Командалар 1:1 есебімен тең түсті.
Командалар ойынның алғашқы бөлігінде голдармен алмасты. Қазақстандық команда 5-минутта-ақ алға шықты: Марк Гуаль пенальтиді сәтті орындап, есеп ашты. Алайда араға 5 минут салып, ригалықтар Салах М'Ханданың дәл соққысының арқасында есепті теңестірді.
27-минутта Яакко Оксанен алматылықтардың қақпасына пенальти алып келді, алайда Темірлан Анарбеков 11 метрлік соққыны қайтарды.
Командалар матчты 1:1 есебімен тең аяқтап, негізгі кезеңдегі алғашқы ұпайларына қол жеткізді. «Қайрат» Конференция лигасындағы келесі матчын 22 қазанда өткізеді. Алматылықтар өз алаңында грек футболының «Панатинаикос» клубын қабылдайды.
Назарларыңызға матчтың маңызды сәттерінің видеосын ұсынамыз.
ГУАЛЬДЫҢ ГОЛЫ
АНАРБЕКОВ ҚАЙТАРҒАН ПЕНАЛЬТИ
