«Реалда» ойнаған және «Барселона» мектебінен өткен: «Қайраттың» еурокубоктардағы гол авторы ерекше мансап иесі болып шықты
Алматылық «Қайраттың» шабуылшысы Марк Гуаль Конференциялар лигасы жалпы кезеңінің бірінші турында латвиялық «Ригаға» қарсы өткен сырт алаңдағы матчта көзге түсті, деп хабарлайды Sports24.kz.
Кездесудің бесінші минутында 30 жастағы испаниялық пенальтиді сенімді орындап, қазақстандық команданы алға шығарды.
Бір қызығы, гол авторының футболдағы өмірбаяны ерекше. Гуаль бала кезінде «Барселона» академиясында жаттыққан, ал 2020 жылы мадридтік грандтың қосалқы командасы — «Реал Мадрид Кастильясында» өнер көрсетті.
Сонымен қатар, форвард «Эспаньол», «Жирона», «Сарагоса» және польшалық «Легия» клубтарының намысын қорғады.
2022/23 маусымында испаниялық Польша чемпионатының үздік сұрмергені атанып, «Ягеллония» сапында 16 гол соқты. Гуаль Конференциялар лигасында да ерекше нәтижелілігімен көзге түсті. «Қайратқа» ауысқанға дейін ол турнирде «Легия» құрамында тоғыз гол соққан.
2026 жылдың жазында шабуылшы алматылық клубқа қосылды, енді қазақстандық команда сапында еуропалық турнирдегі нәтижелі сериясын жалғастырды.
