Видео: «Қайрат» Италияда есеп ашты: Марк Гуаль «Аталанта» қақпасын дәл көздеді
Алматылық «Қайрат» УЕФА Конференция лигасының жалпы кезеңіндегі үшінші турда Италияның «Аталанта» клубына қарсы кездесуде есеп ашты, деп хабарлайды Sports24.kz.
5 қарашада Бергамо қаласында өтіп жатқан матчтың алғашқы таймында командалар бір-бірінің қақпасынан саңылау таба алмады. Алайда үзілістен кейін көп ұзамай алматылықтар алға шықты.
Кездесудің 52-минутында испаниялық шабуылшы Марк Гуаль қарсылас қақпасын дәл көздеп, «Қайратты» есепте алға шығарды - 1:0.
УЕФА Конференция лигасы. Жалпы кезең. 3-тур
«Аталанта» 0:1 «Қайрат» (52-минуттағы есеп). Матчтың тікелей трансляциясы.
Гол: Гуаль, 52 (0:1).
Айта кетейік, «Қайрат» Конференция лигасындағы алғашқы кездесуінде Латвияның «Рига» клубымен 1:1 есебімен тең ойнаған. Ал екінші турда Грекияның «Панатинаикос» командасына 1:5 есебімен есе жіберді.
«Аталанта» болса, жарысты Кипрдің «Пафос» клубын 3:1 есебімен жеңуден бастап, кейін Амстердамның «Аякс» командасынан 0:2 есебімен ұтылған болатын.
Осылайша, алматылық клуб Бергамодағы кездесудің екінші таймында алғашқы болып есеп ашып, Конференция лигасындағы маңызды ұпайларға таласуға мүмкіндік алды.
