Гуаль ма? «Аталантаға» қарсы матчта «Қайраттың» үздік ойыншысы анықталды
Алматылық «Қайраттың» Италияның «Аталанта» клубына қарсы сырт алаңдағы кездесуінен кейін футболшылардың ойынына берілген бағалар жарияланды. Команда сапындағы ең жоғары көрсеткіш жалғыз голдың авторы Марк Гуальға тиесілі, деп хабарлайды Sports24.kz.
УЕФА Конференция лигасының жалпы кезеңіндегі үшінші тур матчы 1:1 есебімен аяқталды. Алматылықтар 52-минутта испаниялық шабуылшы Марк Гуальдың голынан кейін алға шыққанымен, 82-минутта Никола Крстович таразы басын теңестірді.
Кездесу қорытындысы бойынша Flashscore сараптамалық платформасы Гуальдың ойынын 7,9 ұпаймен бағалады. Бұл - «Қайрат» футболшылары арасындағы ең жоғары көрсеткіш. Испаниялық шабуылшы гол соғып қана қоймай, командасының үздік ойыншысы атанды.
Ал ең төмен баға жартылай қорғаушы Азамат Тұяқбаевқа берілді. Оның алаңдағы өнері 5,5 ұпайға бағаланды. Бұл алматылық клуб ойыншылары арасындағы ең төмен көрсеткіш болып тіркелді.
Үш турдан кейін «Қайраттың» еншісінде екі ұпай бар. Қазақстандық клуб Конференция лигасындағы келесі кездесуін 26 қарашада өз алаңында Швецияның «Мьельбю» командасына қарсы өткізеді.
