Еркін Тапалов «Аталантаға» қарсы матчтан кейін хейтерлерге өжет сәлем жолдады
«Қайрат» пен Қазақстан ұлттық құрамасының қорғаушысы Еркін Тапалов Конференция лигасының жалпы кезеңіндегі үшінші тур аясында италиялық «Аталантаға» қарсы сырт алаңда өткен матчтың қорытындысы туралы пікір білдірді, деп хабарлайды Sports24.kz.
Бергамода қазақстандықтар италиялық футбол көшбасшыларының бірімен 1:1 есебімен тең түсті.
«Бізге сенбеген және пікір жазғандарға үлкен «сәлем» жолдағым келеді. Біз мықты командаға қарсы ойнайтынымызды білдік. Гол соққаннан кейін есептегі басымдықты сақтап қалу үшін қорғаныста сауатты ойнау керек болды. Қазақстан футболы үшін тарих жасадық деп есептеймін», - деді Еркін Тапалов.
Ол сондай-ақ болашақта қазақстандық жас футболшылардың қайсысы Италия чемпионатындағы клубтардың бірінің негізгі құрамында ойнауға мүмкіндік алуы мүмкін деген сұраққа жауап берді.
«Біздің командамызда жас футболшылар жеткілікті. Азамат Тұяқбаев, Исмаил Бекболат. Олар ойын уақытына ие болып, оларға сенім артылып жатыр. Ең бастысы — енді өздерін толық таныта білуі керек», - деді Еркін Тапалов.
«Қайрат» Конференция лигасындағы келесі матчын 26 қарашада швециялық «Мьельбюге» қарсы өткізеді. Сол күні «Аталанта» босниялық «Борацпен» кездеседі.
