Уразбахтин «Панатинаикостан» ойсырай жеңілгеннен кейін наразы жанкүйерлердің ұранына жауап берді
«Қайрат» бас бапкері Рафаэль Уразбахтин Конференция лигасының жалпы кезеңіндегі екінші турда өз командасының ойсырай жеңілгені туралы пікір білдірді, деп хабарлайды Sports24.kz.
Уразбахтин шәкірттері өз алаңында ойсырата жеңіліп, матчты 1:5 есебімен аяқтады. Ойыннан кейін «сары-қаралар» жанкүйерлері наразылық білдіріп, «Қанша болады, сендер **** болып кеттіңдер ме?» деген ұрандатты.
«Менің ойымша, ойынымыздың сапасы жақсы болды. Біз батыл ойнадық, қысым жасадық, алайда жеке қателіктер өз әсерін тигізді. Ұрандатқан адамдар, менің ойымша, футболды түсінбейді. Жігіттер тырысып, алаңда бар күшін салды. Мен өз ойыншыларымды қорғаймын және мұндай айыптауларды негізсіз деп санаймын.
Жігіттер есеп ірі болғанына қарамастан күресуді жалғастырды, қарсыласқа прессинг жасауға тырысты. Әрине, қарсыластың шеберлік деңгейі жоғары екені байқалды. Мұндай командалармен ойындарда әр қателіктің құны өте жоғары. Өкінішке қарай, бұл нәтиже қазіргі деңгейімізді көрсетеді.
«Қанша болады?» деп ұрандатқандар, менің ойымша, футболды түсінбейді. Жігіттер тырысып, алаңда бар күшін салды. Мен өз ойыншыларымды қорғаймын және мұндай айыптауларды негізсіз деп санаймын», - деді Уразбахтин Алматыдағы матчтан кейін.
Алматылық команданың Конференция лигасындағы екі турдан кейін еншісінде бір ғана ұпай қалды. 5 қарашада «Қайрат» сырт алаңда италиялық «Аталантамен» ойнайды.
