Еуропа мұндайды әлі көрген жоқ: Чемпиондар лигасында ақылға сыймайтын рекорд орнады
2026/27 жылғы Чемпиондар лигасының жалпы кезеңіндегі үшінші тур аяқталғаннан кейін нәтижелілік бойынша тарихи рекорд орнады, деп хабарлайды Sports24.kz.
Еуропадағы ең беделді клубтық турнирдің алғашқы үш турында командалар 54 матчта 221 гол соқты. Бұл — маусымның осы кезеңіндегі жарыс тарихындағы абсолютті рекорд.
Бұған дейінгі жетістік 2025/26 маусымында тіркелген еді: футболшылар дәл осындай матчтар санында 200 рет мергендік танытқан. Осылайша, жаңа рекорд бұрынғы көрсеткіштен 21 голға асып түсті.
Биылғы жарыстың екінші туры айрықша нәтижелі болды: командалар бұл кезеңде 78 гол соқты. Бұл көрсеткіш Чемпиондар лигасындағы бір тур үшін рекордтық нәтиже саналады.
Бірінші турда футболшылар қарсылас қақпасына 69 гол соқса, үшінші турда тағы 74 доп енгізді. Соңғы көрсеткіш те тарихқа енді: ол турнирдің бүкіл тарихындағы нәтижелілігі бойынша екінші үздік нәтиже болды.
Бір қызығы, алғашқы үш турдағы орташа нәтижелілік бір матчқа 4,09 голды құрады. Өткен маусымда бұл көрсеткіш 3,70 болған еді.
Үшінші турда жанкүйерлер бірден бірнеше тартысты кездесудің куәсі болды. «Ливерпуль» «Вильярреалды» 4:3 есебімен жеңсе, «Наполи» дәл осындай нәтижемен «Будё-Глимттен» басым түсті. Ал ПСЖ «Барселонадан» 4:2 есебімен мықты болды.
Сонымен қатар, «Манчестер Сити» гректің АЕК командасын 5:1 есебімен ойсырата жеңсе, «Реал» «Лейпцигтен» 4:1 есебімен сенімді басым түсті.
Чемпиондар лигасының қазіргі маусымы жарыс тарихындағы басталуы ең нәтижелі турнирге айналды. Осындай қарқын сақталса, жарыс басқа да рекордтарды жаңартуы мүмкін.
