Елена Рыбакина Токиодағы турнирге қатысатынын растады
Әлемнің бірінші ракеткасы Елена Рыбакина Токиода өтетін WTA 500 турниріне қатысатынын растады, деп хабарлайды Sports24.kz.
«Баршаңызға сәлем, бұл — Елена. Биыл Toray Pan Pacific Open турнирінде ойнау үшін Токиоға келетініме өте қуаныштымын.
Жапониядағы барлық жанкүйерлеріммен кездесуді және осы керемет турнирде қайтадан бақ сынау мүмкіндігін асыға күтемін. Токиода кездескенше», — деді Рыбакина өз Instagram парақшасындағы видеосында.
Айта кетейік, Жапония астанасындағы жарыс 26 қазан мен 1 қараша аралығында өтеді.
Айтпақшы, Рыбакина қытайлық Нинбода өтіп жатқан турнирдегі өнерін жалғастыруда. Елена екінші айналымда қарсыласының ойыннан бас тартуына байланысты әлемнің 105-ракеткасы Полина Кудерметованы жеңді.
23 қазанда өтетін ширек финалда әлемнің бірінші ракеткасы WTA рейтингінде 128-орында тұрған польшалық теннисші Катажина Кавамен кездеседі.
