Ойын аяқталмай қалды: Эриксен Украинаны қабылдаған матчта есінен танып қалды
Дания мен Украина құрамалары арасындағы жолдастық матчта алаңда мазасыз оқиға болды: Кристиан Эриксен есінен танып, матч уақытша тоқтатылды, деп хабарлайды Sports24.kz.
34 жастағы Дания құрамасының ойыншысы екінші таймда аяқ астынан алаңға құлап түсті, сол себепті кездесу шұғыл үзіліске тоқтатылды.
Ойын ұзақ уақытқа тоқтатылып, трибуналарда алаңдаушылық басым болды. Он бес минуттан соң, жанкүйерлердің ду қол соғуымен Эриксен орнынан тұрып, алаңды өз аяғымен тастап шықты.
Оқиға болған сәтте есеп 2:1 Дания пайдасына еді. Төреші матчты жалғастырмау туралы шешім қабылдады.
Айта кету керек, 2021 жылы тәжірибелі жартылай қорғаушы дәл осындай жағдайды бастан өткерген болатын: Эриксен Еуро-2020 Финляндияға қарсы ойында жүрегі тоқтап, қайтыс болудың аз-ақ алдында қалған. Кейін дәрігерлер Кристианға кардиостимулятор қойып, мансабын жалғастыруға рұқсат берген еді.
