Дания құрамасының дәрігері Эриксеннің алаңнан өз еркімен кету себебін түсіндірді
Дания мен Украина құрамалары арасындағы жолдастық кездесу Кристиан Эриксеннің есінен тануына байланысты мерзімінен бұрын аяқталды. Нәтижесінде ол алаңды өз еркімен тастап шықты, ал Дания құрамасының дәрігері Мортен Боэсен бұл шешімнің неге қабылданғанын айтып берді, деп хабарлайды Sports24.kz.
Маманның айтуынша, Эриксен өзі дәрігерлерден алаңнан өз бетімен кетуге рұқсат сұраған. Ол толық медициналық бақылауда болғандықтан, бұған ешқандай кедергі болмаған. Сонымен қатар, дат ойыншысының болашағына қатысты сұраққа Боэсен жауап беруден тартынды:
«Ол өзі жүруді және отбасына сәлем беруді қалады. Жедел жәрдем көлігі стадион бұрышында тұрған. Сол себепті оған алаңнан кетуге рұқсат етілді. Ол толық бақылауда болды.
Эриксенге әрі қарай ойнау қауіпсіз бе? Мен кардиологияны жеткілікті білмеймін. Бұл сұрақты осы саладағы мамандар мен Кристианның өзіне қалдырған дұрыс», — деді Боэсен Tipsbladet басылымына берген сұхбатында.
Айта кетейік, Дания мен Украина құрамалары арасындағы жолдастық матч Одэнседе өтті, ол 65-минутта даттықтардың пайдасына 2:1 есебімен уақытынан бұрын тоқтатылды.
