«Оның әлеуеті зор»: Сәтпаевтың «Тоттенхэмге» қарсы ойынына фанаттардың реакциясы
«Челси» Дастан Сәтпаевтың қатысуымен «Тоттенхэмге» (1:2) есебімен Австралиядағы маусым алдындағы турне аясында жеңілді, деп хабарлайды Sports24.kz.
17 жастағы қазақстандық вундеркинд «көктердің» негізгі құрамында алаңға шыққан жоқ, ол 70-минутта алаңға шығып, лондондықтар сапында Эстеваоны алмастырды.
«Челси» жанкүйерлерінің 17 жастағы вингердің командадағы болашағына қатысты пікірі екіге бөлінді. Бірі Сәтпаевтың әлеуеті зор екенін айтып, оған негізгі құрамда өз мүмкіндігін беру керек десе, енді бірі Дастанның бұл деңгейге әлі дайын емес, оны жалға беру қажет деп санайды.
«Бізге Дастан Сәтпаевқа көз салу керек, оның әлеуеті зор. Ол өз мүмкіндігін алуы тиіс».
«Шынымды айтсам, Сәтпаевтан басқа жас ойыншыларға аса мән бермеймін».
«Уолш, Уотсон, Сәтпаев – біздің болашағымыз. Оларды жалға жіберейік. Қалғаны – Тосин, Сар және басқалары, мен оларды «Челсида» қайта көргім келмейді, ешқашан. Біз солардың кесірінен ұтылдық».
«Сәтпаевты жалға беру керек. Ол қарсыласын айналып өте алмайды… Якули, Уолш және Уотсоннан басқа жас ойыншылар әлі дайын емес».
«Неге Хаби Ансельминоны сол жақ қорғаушыға, ал Сәтпаевты қанатқа қояды? Тек үміттенемін, өткен маусым ортасындағыдай бапкеріміз туралы сол баяғы әңгімені қайта қозғамаймыз».
«Сәтпаевты тыныш қалдырыңдар, неге ол екі жылдан кейін қайтып келген бір Мудриктің кесірінен зардап шегуі керек?».
«Дастан Сәтпаев алаңға шығып, жаман ойын көрсеткен жоқ. Бірақ «Тоттенхэмнің» алғашқы голын алдын ала болжау мүмкін емес (рикошеттер болып тұрады). «Челсидің» шабуылдарын түйіндеу жеткілікті дәл болмады, бірақ бұл маусым алдындағы алғашқы ойындар болғандықтан, бұл – қалыпты жағдай», – деп жазды жанкүйерлер матчтан кейін әлеуметтік желілерде.
Бұған дейін белгілі болғандай, Сәтпаев «Тоттенхэмге» қарсы матчта қандай баға алғаны жарияланды.
