Сатпаев «Тоттенхэмге» қарсы матчта қандай баға алды?
Австралиядағы маусымалды турнесі аясында өткен «Челси» мен «Тоттенхэм» арасындағы матчта Дастан Сатпаевтың алған бағасы белгілі болды (1:2), деп хабарлайды Sports24.kz.
Қазақстан жастар құрамасының 17 жастағы вингері «ақсүйектердің» негізгі құрамына енбей, 70-минутта Лондон клубы сапында Эстеваоны алмастырды.
Алаңда небәрі 20 минуттан сәл артық уақыт өткізген Дастан айтарлықтай көзге түсе алған жоқ. Қазақстандық вундеркинд қарсылас қақпасына соққы жасай алмады, сондай-ақ қауіпті сәттер туғызатын айтарлықтай әрекет те көрсете алған жоқ.
Оның финалдық үшінші аймақтағы пас дәлдігі – 50% (2/4). Жалпы пас дәлдігі – 82% (9/11). Livescore порталы Сатпаевтың ойынын орташа 6.3 балға бағалады.
Айта кетейік, Хаби Алонсо командасы сапындағы ең жоғары бағаны гол авторы Эстевао иеленді – 7.2 балл.
Сондай-ақ, «ақсүйектер» үшін «Тоттенхэмге» қарсы ойын Австралиядағы биылғы маусымалды турнесіндегі екінші кездесу болды.
28 шілдеде лондондықтар Сиднейде жергілікті «Вестерн Сидней Уондерерс» командасымен кездесті. Бұл ойында «Челси» 6:4 есебімен жеңіске жетті. Сол матчта Сатпаев жаңа командасы сапындағы алғашқы ойынында алғашқы голын соқты.
