Суперкомпьютер «Атырау»-мен болған сәтсіздіктен кейін «Қайраттың» КПЛ чемпионы атану мүмкіндігін бағалады
КПЛ-дің 13-турынан кейін «Қайрат» «Ордабасыдан» екі ұпайлық артта қалуын сақтап қала алмады. Енді шымкенттіктер төрт ұпайлық басымдықпен көш бастап тұр. Sports24.kz суперкомпьютерден чемпиондық жарыстағы қазіргі жағдай қандай екенін сұрады.
FMD сарапшыларының есептеуінше, 10-тур аяқталғаннан кейін алматылықтардың қатарынан екінші мәрте чемпион атану ықтималдығы 74,4% болған. Дәл сол кезде «Қайрат» соңғы жеңісіне қол жеткізіп, «Жеңісті» 2:1 есебімен тізе бүктірген еді.
- Сондай-ақ оқыңыз: Еуропада Қазақстанның ӘЧ-ға жолын «жеңілдетті»
Үш ойын қатарынан жеңіске жете алмаған «Қайраттың» чемпиондық мүмкіндігі айтарлықтай азайды. 13-турдан кейін «Орда» бірінші орынға орныққаннан соң, дәл осы команда титулдың басты үміткері болып тұр.
Шымкенттіктердің чемпион атану ықтималдығы 56% болса, алматылықтардікі — 33,8%. Одан кейін «Астана» (7,2%) және «Елімай» (1,9%) орналасқан.
