«Челси» өзінің жұлдызын сату бойынша қатаң ультиматум қойды
Лондондық «Челси» Энцо Фернандесті сатып алғысы келетіндер үшін қатаң трансферлік мерзім белгіледі, деп хабарлайды Sports24.kz.
The Athletic деректеріне сүйенсек, «Челси» басшылығы аргентиналық жартылай қорғаушымен келісімшартқа отыруға ниетті клубтар үшін нақты мерзім орнатқан. Потенциалды сатып алушылар жұма күні, Лондон уақытымен сағат 17:00-ге дейін «көктердің» қаржылай талабын — 120 миллион фунт стерлингті толық орындауы тиіс.
Футболшыға басты үміткер — «Манчестер Сити», алайда «Стэмфорд Бридж» ұзақ келіссөздер жүргізуге ниетті емес екенін анық көрсетті: егер белгіленген уақытқа дейін қажетті сома түспесе, жартылай қорғаушы сөзсіз командада қалады.
Лондондықтардың бас бапкері Хаби Алонсо маусым ресми басталар алдында құрам мәселесіне толық айқындық енгізуге ниетті. Егер аргентиналық ойыншы 120 миллион фунтқа сатылса, клуб бірден түскен қаржыны орта сызықты күшейтуге жұмсамақ. Энцоның орнын басуға үміткерлер қатарында «Борнмуттың» 22 жастағы Алекс Скотты мен «Кристал Пэлас» ойыншысы Адам Уортон бар.
Егер қанағаттандырарлық ұсыныс түспесе, Алонсо команда ойынын аргентиналықтың айналасында құруды жалғастыруға және негізгі ойыншыны құрамда сақтауға дайын.
Айта кетейік, «Челси» Дастан Сатпаевты ресми түрде АПЛ маусымына тіркеген болатын.
