«Арсенал» Түркия чемпионатынан суперфорвард трансферін талқылауда
Лондондық «Арсенал» шабуылшы іздеуді белсенді жүргізіп жатыр, алайда негізгі нысана - Хулиан Альварес қолжетімсіз болғандықтан, «канонирлер» баламалы нұсқаларды қарастыруға мәжбүр, деп хабарлайды Sports24.kz.
The Telegraph дерегінше, Англия чемпионы «Галатасараймен» келіссөздер барысында Стамбұл клубының шабуылшысы Виктор Осимхеннің ықтимал трансферін талқылады. Нигериялық форвардтың есімі Габриэл Мартинелли мен Итан Нванверидің Стамбұлға ауысуына қатысты келіссөздер кезінде көтерілген.
- Сондай-ақ оқыңыз: «Біз әлі де көп істеуді қалаймыз»: Артета «Арсеналдың» трансферлері туралы пікір білдірді
Дегенмен әзірге бұл тақырыпты бірінші болып кім қозғағаны белгісіз — «Арсеналдың» спорт директоры Андреа Берта ма, әлде «Галатасарай» өкілдері ағылшын клубына шабуылшыны ұсынды ма, ол жағы нақ айтылмаған.
Осимхен Альварестен бір жас үлкен әрі «Наполи» және «Галатасарай» сапында, сондай-ақ Нигерия құрамасында өзін Еуропадағы ең қауіпті шабуылшылардың бірі ретінде көрсетіп үлгерді.
Өткен маусымда 27 жастағы нигериялық 33 матчта 22 гол соғып, сегіз нәтижелі пас берген, бұл оның «Галатасарайдағы» жоғары нәтижелілігін айғақтайды.
