Канье Уэстің «Қайрат» стадионындағы концерті кейінге шегерілді: не болды?
Алматыда 14 тамызға жоспарланған Канье Уэстің концерті келесі күнге ауыстырылды. Америкалық әртістің шоуы бірнеше күн бойы арнайы дайындалған Орталық стадионда өтуі тиіс, деп хабарлайды Sports24.kz.
Аренаны концертке дайындау бұған дейін футбол күнтізбесіне де әсер етті. Чемпиондар лигасы үшінші іріктеу кезеңіндегі «Қайрат» пен «Левски» арасындағы қарымта кездесу бастапқыда 11 тамызда Алматының Орталық стадионында өтуі жоспарланған болатын.
Алайда стадионның концертке дайындалуына байланысты кездесу Түркістанға ауыстырылды. Онда «Қайрат» болгариялық клубқа 0:1 есебімен жол берді. Екі матчтың қорытындысы бойынша «Левски» 2:0 есебімен басым түсіп, іріктеудің келесі кезеңіне өтті.
14 тамызда Алматының бірнеше ауданында электр қуаты жаппай өшті. Концерттің жоспарланған басталуына шамамен үш сағат қалғанда электр жарығы қайта берілді.
Кейін қаладағы ауа райы күрт өзгерді. Алматыда қатты жаңбыр жауып, жел күшейді. Қаланың әр бөлігіндегі тұрғындар құлаған ағаштар мен зақымданған құрылымдар туралы хабарлады.
Нәтижесінде 14 тамызға жоспарланған Канье Уэстің концерті 15 тамызға ауыстырылды.
