«Челси» Дастан Сатпаевті АПЛ маусымына ресми тіркеді
Лондондық «Челси» ресми түрде қазақстандық Дастан Сатпаевты Ағылшын Премьер-Лигасының маусымына тіркеді, деп хабарлайды Sports24.kz.
Қазақстандық шабуылшы Дастан Сатпаев алғаш рет Ағылшын Премьер-Лигасының ресми базасында пайда болды. Турнирдің сайтында 18 жастағы футболшы Лондондық «Челси» сапында 36-нөмірмен тіркелген.
Алайда, Сатпаевтың профилінде әзірге сурет жоқ.
«Челси» клубының ресми сайтында қазақстандық форвардтың профилі әзірге жарияланбаған.
АПЛ-дың жаңа маусымы санаулы күндерден кейін басталады. «Челси» алғашқы ойынын 25 тамызға қараған түні «Фулхэмге» қарсы өткізеді.
Сонымен қатар, осы аптада Лондон клубы испандық «Реал Сосьедадқа» қарсы жолдастық матч ойнайды.
Сатпаевтың «Челси» сапына ауысқаны 2025 жылдың ақпанында жарияланған болатын. Қазақстандық шабуылшы лондондықтармен 2033 жылға дейін келісімшартқа қол қойды. Transfermarkt дерегінше, трансфер құны 2,4 миллион еуроны құрады.
Сонымен қатар, Сатпаевтың 2026/27 маусымындағы болашағы әзірге талқылану үстінде. Бұған дейін оның мансабын жалғастырудың ықтимал нұсқалары ретінде бұрынғы клубы – алматылық «Қайратқа» жалға берілуі сөз болған. Сондай-ақ, «Челси»-мен бір меншік иелері тобына кіретін Францияның «Страсбург» клубының қызығушылығы туралы да хабарланған.
