Армения құрамасының бұрынғы қақпашысы Қазақстанның басты артықшылығын атады
Армения құрамасы мен Санкт-Петербургтің «Зенит» клубының бұрынғы қақпашысы Роман Березовский Sports24.kz порталына алдағы Қазақстан құрамасына қарсы жолдастық кездесуге қатысты пікір білдірді.
«Бізді өте қызықты матч күтіп тұр. Ұзақ маусымнан кейін футболшылардың, әсіресе чемпионаты аяқталғандар үшін, физикалық жағдайы ең жоғары деңгейде болмауы мүмкін екені түсінікті.
Дегенмен, дәл қазір маусымаралық кезең, трансферлік терезе ашық және мұндай кездесулер футболшылар үшін өзін көрсетуге тамаша мүмкіндік. Әрбір амбициялы футболшы өз шеберлігін дәлелдеп, мүмкіндігінше мықтырақ клубтардың назарын аударуға тырысады.
Сондықтан қарқынды, тартысты ойын болады деп күтемін. Явный фаворитті айту қиын, бірақ соңғы матчтардың нәтижесіне сүйенсек, Қазақстан құрамасы сәл сенімдірек көрінеді. Екі қатарынан жеңіс пен Бельгия және басқа қарсыластарға қарсы лайықты ойындары командаға өзіне сенімділік береді. Қазақстан құрамасы өз мүмкіндігін қалай пайдаланатынын көрейік», – деді Роман Березовский.
Анарбеков пен Алипов туралы
Маман Қазақстан құрамасындағы «Қайрат» қақпашысы Темірлан Анарбековті, өткен маусымда Чемпиондар лигасында жақсы қырынан көрінгенін, сондай-ақ Ресей чемпионатында өнер көрсетіп жүрген Нұралы Алипов пен Максим Самородовты ерекше атап өтті.
«Армения өз алаңында, жанкүйерлерінің қолдауымен тағы да сүрінгісі келмейді деп ойлаймын. Жақсы алаң сапасы мен қолайлы ауа райы тартымды ойын мен көп голға сеп болады деп сенемін», — деп қосты Роман Березовский.
Айта кетейік, Қазақстан сенбі, 6 маусым күні Ереванда Арменияға қарсы жолдастық матч өткізеді. Бұл Талғат Байсуфинов командасы үшін Венгриямен сырт алаңдағы ойын алдындағы маусым айындағы екі тексерістің алғашқысы болмақ.
Айта кетейік, жолдастық кездесу Еревандағы Вазген Саркисян атындағы Республикалық стадионда өтеді.
Бұған дейін Мәскеудің «Спартак» клубының бұрынғы бас бапкері, армяндық «Ноа» мен «Урарту» клубтарында да жұмыс істеген Дмитрий Гунько Армения құрамасы Қазақстанмен матч алдында кадрлық мәселелерге тап болғанын мәлімдеген еді.
Сондай-ақ, Sports24.kz тілшілері алдағы матч алдындағы негізгі сандарды жинақтады.
