Алматыда «Қайраттың» Конференциялар лигасындағы матчы алдында тұрғын үйде жарылыс болды
22 қазан күні таңертең Алматыда Қаппаров көшесіндегі үш қабатты тұрғын үйде газ-ауа қоспасы жарылды. Оқиға «Қайраттың» Конференциялар лигасында гректің «Панатинаикосына» қарсы ойыны өтетін күні болды, деп хабарлайды Sports24.kz.
Әкімдіктің алдын ала мәліметінше, оқиғаға табиғи газдың таралуы себеп болуы мүмкін. Жарылыстан кейін өрт шықпаған.
Оқиға салдарынан екі бала жеңіл жарақат алды. Дәрігерлер зардап шеккендерді қарап, қажетті көмек көрсетіп, үйлеріне жіберді. Ауруханаға жатқызу қажет болмады.
Қазір мамандар болған жағдайдың себептері мен мән-жайын анықтап жатыр. Ғимаратқа келтірілген залалдың көлемі әзірге нақтыланған жоқ.
Еске салайық, бүгін, 22 қазанда, «Қайрат» УЕФА Конференциялар лигасының жалпы кезеңіндегі екінші тур аясында «Панатинаикосқа» қарсы өз алаңындағы матчын өткізеді.
Кездесу Алматының Орталық стадионында өтеді және Қазақстан уақытымен 19:30-да басталады.
«Қайрат» - «Панатинаикос»: КЛ матчының тікелей трансляциясы. Онлайн көру
