«Қайрат» капитанын жаттығу кезінде туған күнімен құттықтады
«Қайрат» ойыншылары мен жаттықтырушылар штабы Александр Мартыновичті жаттығу кезінде туған күнімен құттықтады, деп хабарлайды Sports24.kz.
Команда серіктестері капитанды Брюссельдегі «Лотто Парк» аренасының алаңында жергілікті «Андерлехтке» қарсы қарымта матч алдындағы жаттығу алдында құттықтады. Видеодан командаластары беларусьтік қорғаушыны «құрмет дәлізінен» өткізгенін көруге болады. Сондай-ақ бас бапкер Рафаэль Уразбахтин капитанды 39 жасқа толуымен жеке құттықтады.
Мартынович «Қайрат» сапында 2024 жылдың маусым айынан бері өнер көрсетіп келеді. Ол командаға Қазанның «Рубинінен» ауысқан. Қазіргі маусымда тәжірибелі футболшы Қазақстан командасы үшін 22 матчта 2 гол соқты.
Айта кетейік, Еуропа лигасының іріктеу кезеңіндегі плей-офф раундының «Андерлехт» пен «Қайрат» арасындағы қарымта матчы 27 тамызда Қазақстан уақытымен 23:45-те Брюссельде өтеді.
Еске салайық, Алматыдағы Орталық стадионда өткен алғашқы кездесу бельгиялықтардың 3:0 есебіндегі ірі жеңісімен аяқталды. Жұп жеңімпазы Еуропа лигасының негізгі кезеңінде ойнайды, ал жеңілген команда Конференциялар лигасының дәл осы кезеңіне түседі.
