«Қайрат» ауыр жарақаттан кейін Жоржиньоның келісімшартына қатысты шешім қабылдады
Алматылық «Қайрат» португалиялық шабуылшы Жоржиньомен футболшы ауыр жарақат алғанына қарамастан жаңа келісімшартқа қол қойды, деп хабарлайды Sports24.kz.
Тараптар 2027 жылдың соңына дейін жарамды жаңа келісімшартқа келісті.
Осы маусымда Жоржиньо 23 матч өткізіп, тоғыз гол соқты және төрт нәтижелі пас берді.
26 шілдеде португалиялық футболшы Қазақстан чемпионаты аясындағы «Ордабасыға» (2:1) қарсы матчта ауыр жарақат алды. Қазір футболшы «Қайраттың» медициналық штабының бақылауымен қалпына келу кезеңінен өтіп жатыр. Оның 2026 жылдың 30 қарашасында қатарға оралуы күтілуде.
«Қайрат» көшбасшысы ота жасатты: не белгілі?
Жоржиньо алматылық клубтың сапында 2025 жылдан бері өнер көрсетіп келеді. 1 қаңтарда ол Люксембургтің «Дифферданж» клубынан 100 мың еуроға ауысты.
Содан бері шабуылшы «Қайрат» сапында 68 матч өткізіп, 22 гол соқты және 14 нәтижелі пас берді. Сонымен қатар, Жоржиньо алматылық клубтың ең қымбат футболшысы саналады. Transfermarkt порталы ойыншының нарықтық құнын 1 миллион еуроға бағалап отыр.
