«Бернли» бапкері Дастан Сәтпаевтың алаңға оралуын растады
«Бернли» клубының бас бапкері Ники Хайен қазақстандық шабуылшы Дастан Сәтпаевтың жаттығуға оралғанын мәлімдеді. 18 жастағы футболшы алдағы тур матчына өтінімге енуге үміткер болады, деп хабарлайды Sports24.kz.
«Дастан Сәтпаев жаттығуға оралды және осы демалыс күндері негізгі құрамға енуге үміткер болады», - деп келтіреді бапкердің сөзін клубтың баспасөз қызметі.
Осылайша, қазақстандық шабуылшы 2 қыркүйекте «Мидлсброға» қарсы ойында алған жарақатынан кейін алғаш рет алаңға шығуы мүмкін. Жарақат алғанға дейін Дастан «Бернли» сапында төрт ресми матч өткізген.
Сәтпаев Чемпионшипте «Вест Бромвич», «Норвич» және «Мидлсброға» қарсы кездесулерде ойнады. Сонымен қатар Англия Лигасы кубогында «Брэдфорд Ситиге» қарсы матчты негізгі құрамда бастады. Жалпы ойын тәжірибесі 283 минутты құрады. Әзірге оның есепте голы да, нәтижелі пассы да жоқ.
Алдағы кездесу - «Уотфордқа» қарсы матч 10 қазанда Уотфордтағы «Викаридж Роуд» стадионында өтеді. Ойын Қазақстан уақытымен сағат 19:00-де басталады.
«Бернли» сегіз матчтан кейін төрт ұпай жинап, турнир кестесінің соңғы сатысында келеді.
