«Ордабасы» көшбасшысы Еуропаның топ-15 лигасына ауысуы мүмкін
Шымкенттің «Ордабасы» және Қазақстан құрамасының шабуылшысы Жасұлан Әмір Польша чемпионатының қазіргі көшбасшысы — Забже қаласының «Гурнигі» тарапынан қызығушылыққа ие болды, деп хабарлайды Sports24.kz.
Эльдар Аманбаевтың мәліметінше, 2025/2026 жылғы маусымда Польша Кубогын жеңіп, жергілікті Экстракласада күміс жүлдеге ие болған клуб футболшыны трансферлеу мүмкіндігін бұған дейін қарастырған. Алайда словак маманы Михал Гашпарик жаттықтыратын команда әзірге ресми ұсыныс жасаған жоқ.
Дегенмен, «Гурник» — Әмірдің қызметіне қызығушылық танытқан жалғыз клуб емес. Еуропа лигасының плей-офф кезеңінде «Қайратты» жарыстан шығарған бельгиялық «Андерлехт» те шабуылшының даму барысын бақылап отырғаны хабарланды.
- Сондай-ақ оқыңыз: Оралхан Өміртаев «Ордабасыдан» бас тартты
Халықаралық үзіліске «Гурник» Польша чемпионатының көшбасшысы ретінде аттанды — клубтың еншісінде 22 ұпай бар. Сонымен қатар, Забже командасы осы маусымда еурокубоктардың үшеуінде де өнер көрсетті. Чемпиондар лигасының екінші іріктеу кезеңіне Польша вице-чемпионы ретінде қатысқан клуб кейіннен «Фенербахче», «Ференцварош» және «Монакоға» кезекпен жол беріп, нәтижесінде еурокубоктардың ешқайсысының негізгі кезеңіне өте алмады.
Ал Әмір осы маусымдағы ҚПЛ-да «Ордабасы» сапында өткізген 25 матчта сегіз гол соғып, төрт нәтижелі пас берді.
