«Адамдық шешім»: Алонсо Мудриктің баннан кейінгі алғашқы ойыны туралы пікір білдірді
«Челси» командасының бас жаттықтырушысы Хаби Алонсо Михаил Мудриктің 615 күннен кейін алаңға алғаш шығуын — «Ювентусқа» қарсы жолдастық кездесуді (0:1) жоғары бағалады, деп хабарлайды Sports24.kz.
Испаниялық маманның айтуынша, украиналық футболшы допингке байланысты ұзақ үзілістен кейін қайтадан ойынға қатысуға мүмкіндік алғанына ерекше қуанды. Ал Алонсо үшін Мудрикке алаңға шығуға мүмкіндік беру тек футбол тұрғысынан ғана емес, кең мағынаға ие шешім болған:
- Тағы оқыңыз: «Мудрикті шығарған дұрыс»: жанкүйерлер Сатпаевтың «Ювентусқа» қарсы ойынына пікір білдірді
«Оның қайтып оралғанына қатты қуаныштымын. Матч алдында оған 10–15 минут ойнай алатынын айтқанымда, ол қатты толқыды. Ұзақ уақыт командамен бірге жаттығуға да, ойнауға да мүмкіндік болмағаннан кейін бұл сәт әрі ол үшін, әрі біз үшін ерекше болды.
Бұл тек футболдық шешім емес еді. Бұл — адамдық әрі эмоциялық шешім, оған осы импульсты беріп, алаңға шыққанда сезінген зор қолдау мен жылы қабылдауды сыйлау үшін жасалды», — деді Алонсо баспасөз мәслихатында, деп хабарлайды «Челси» баспасөз қызметі.
Айта кетейік, Мудрик соңғы рет алаңға 2024/2025 маусымдағы Конференциялар лигасының негізгі кезеңінде, 2024 жылдың 28 қарашасында германиялық «Ханденхаймға» қарсы ойында шыққан болатын. Сол ойында ол соңғы голын да соққан еді.
