Дастан Сатпаевты «Манчестер Юнайтед» аңызымен салыстырды
Англияда қазақстандық шабуылшы Дастан Сатпаевты Аргентина құрамасының, «Манчестер Юнайтед» пен «Бока Хуниорс» клубтарының бұрынғы форварды Карлос Тевеспен салыстырды.
Бұл туралы Sports24.kz тілшісіне берген сұхбатында танымал ресейлік футбол комментаторы Тимур Журавель мәлімдеді.
«Дастан Тевеске ұқсайды, ол тарпаң шабуылшы, мығым, доппен жақсы жұмыс істейді, сонымен қатар физикалық тұрғыдан да жақсы дайындалған. Бұл — керемет салыстыру. Егер бірнеше матчтан кейін жергілікті журналистердің ойына ағылшын чемпионаты үшін аңызға айналған футболшы Карлос Тевестің бейнесі келсе, тыңдаңыздар, бұл Дастанның қанатын қатайтып, өзіне: "Мен тек Карлос Тевес қана емес, Серхио Агуэро да екенімді дәлелдеймін" деуіне мотивация беруі керек», — деді сарапшы.
Карлос Тевес несімен танымал?
Карлос Тевес — Англия чемпионаты тарихындағы көрнекті футболшылардың бірі. «Манчестер Юнайтед» сапында өнер көрсетіп, Англия чемпионы атанды, Чемпиондар лигасы мен клубтар арасындағы әлем чемпионатын жеңіп алды. Аргентиналық форвард сонымен қатар «Манчестер Сити» сапында өнер көрсетіп, онымен бірге АПЛ чемпионы атанды.
Дастан Қазақстан құрамасының алдағы матчтарын өткізіп алады
Еске салайық, лондондық «Челси» клубына тиесілі Дастан Сатпаев қазір жалға алу құқығымен «Бернли» сапында өнер көрсетіп жүр. Англияға көшкеннен кейінгі алғашқы апталарда-ақ ол жоғары тиімділігін көрсетті. Мәселен, «Мидлсброға» қарсы Чемпионшип матчында қазақстандық футболшы команданың ең көзге түскен ойыншыларының біріне айналды. Өкінішке қарай, ойыншы жарақат алып, клубтың алдағы бірнеше матчын өткізіп алады. Дастан Сатпаевтың өзі де британдық жанкүйерлердің біртіндеп мойындауына ие болып келеді.
Сатпаевтың жарақатынан қанша уақыт қалпына келетіні әзірге белгісіз, бірақ шабуылшы Қазақстан құрамасының алдағы Ұлттар лигасы матчтарына қатыса алмайтыны анық. Джон ван ’т Схиптің шәкірттері 26 және 29 қыркүйекте сырт алаңда Фарер аралдары мен Словакияға қарсы, сондай-ақ 2 және 6 қазанда өз алаңында Молдова мен Фарер аралдарына қарсы ойнайды.
