Суперкомпьютер Opta Рыбакинаның US Open турниріндегі жеңіске жету мүмкіндігін бағалады
1 қыркүйекте Елена Рыбакина АҚШ ашық чемпионатындағы жорығын бастайды және Қазақстанның бірінші ракеткасының турнирде жеңіске жету мүмкіндігі қандай екені белгілі болды, деп хабарлайды Sports24.kz.
Opta суперкомпьютері Рыбакинаның турнирде жеңіске жету мүмкіндігін 8,6%-ға бағалады. Осылайша, ол титулдың екінші басты үміткері саналады. Сарапшылар Арина Соболенкоға көбірек сенім артып отыр — оның жеңіске жету мүмкіндігі 9,6% деп бағаланған.
Осыған қарамастан, Рыбакинаның турнирді әлемнің бірінші ракеткасы мәртебесінде аяқтау мүмкіндігі айтарлықтай жоғары. Жартылай финалға шығу (дәл осы нәтиже Рыбакинаға қажет) ықтималдығы 22%-дан сәл төмен деп бағаланып отыр.
Алайда суперкомпьютер Қазақстанның бірінші ракеткасының 1/8 финалға міндетті түрде шығатынына кепілдік бермейді, мұның ықтималдығы 48,2%. Дегенмен бұл көрсеткіш Соболенконың мүмкіндігінен (46,9%) жоғары. Сарапшылар биылғы турнирді айқын фавориті жоқ, бәсекесі өте тең додалардың бірі деп санайды.
Еске салайық, Рыбакинаның US Open турниріндегі алғашқы қарсыласы 17 жастағы теннисші Теа Фродин болады. Матч 1 қыркүйекте Астана уақытымен 20:00-де өтеді, оның трансляциясын қайдан көруге болатыны да белгілі.
