Басы сәтсіз болды: Қазақстан Испанияға қарсы матчтағы алғашқы кездесуде жеңілді
23 қыркүйекте Билли Джин Кинг кубогының ширек финалында Қазақстан мен Испания құрамалары арасындағы матч басталды. Кортқа алғаш болып Соня Жиенбаева мен Джессика Бузас Манейро шықты. Нәтижесінде сенімді жеңісті испаниялық теннисші иеленді, деп хабарлайды Sports24.kz.
Әлемнің қазіргі 93-ракеткасы матчтағы алғашқы ұпайды алу үшін бір сағаттан сәл артық уақыт жұмсады. Ол екі сетте де 6:2 есебімен жеңіске жетіп, Жиенбаеваны ұтты. Бузас Манейро кездесу барысында үш эйс орындаса, қазақстандық теннисші бес рет қос қателік жіберді.
Осылайша, матчтағы алғашқы ұпай Испания құрамасының еншісінде.
Теннис. Билли Джин Кинг кубогы, ширек финал
Соня Жиенбаева (WTA рейтингінде №384) — Джессика Бузас Манейро (WTA рейтингінде №93) — 0:2 (2:6. 2:6)
Қазақстан мен Испания арасындағы матч Астана уақытымен 15:40-та Юлия Путинцева мен Кристина Букса арасындағы текетіреспен жалғасады. Қазақстанның екінші ракеткасының жеңілуі Қазақстанның бүкіл матчта жеңілгенін білдіреді — Дэвис кубогынан айырмашылығы, мұнда кездесулер екі жеңіске дейін жалғасады.
