Еуропа лигасы матчінің өтуі төтенше ауа райына байланысты қауіпті жағдайда тұр
Фарер аралдарындағы ауа райы Познаньдық «Лехтің» УЕФА Еуропа лигасы іріктеуіндегі жергілікті «Клаксвикпен» шешуші кездесуге дайындығына хаос әкелді, деп хабарлайды Sports24.kz.
«Лех» чартерлік рейсі 12 тамыз күні күндіз Познаньнан Фарер аралдарына ұшуы керек еді. Алайда Вагар әуежайы маңындағы қалың тұман салдарынан команда барлық ұшуға дайындық рәсімдерін аяқтағанымен, ұшып шығуға және қонуға рұқсат күтуге мәжбүр болды. Біраз сағат күткеннен кейін, рейс бүгінге тоқтатылды.
Поляк клубының баспасөз қызметі хабарлағандай, рейс 13 тамыздың таңына ауыстырылды. Дегенмен, тұман сейілетініне және ұшудың дәл уақытында болатынына ешқандай кепілдік жоқ. Егер ертең таңертең «Лех» ұшып кете алмаса, онда фарерлік «Клаксвикке» қарсы қарымта матчтың өтуі үлкен қауіпке ұшырайды және ол кейінге қалдырылуы мүмкін.
Айта кетейік, алғашқы кездесуде поляк командасы 1:0 есебімен жеңіске жеткен болатын.
