Зайнутдиновтың Қазақстанға оралуы мүмкіндігі туралы шындық ашылды
Мәскеудің «Динамо» командасының жартылай қорғаушысы Бахтиёр Зайнутдиновтың Қазақстанға оралуы мүмкіндігі туралы шындық анықталды, деп хабарлайды Sports24.kz.
Ресейлік Telegram-арна «Мутко против» футболшының қарағандылық «Шахтерге» оралуы жайлы ақпаратты жоққа шығарды. Хабарламада қазақстандық футболшының клубын ауыстыруға кем дегенде қысқа дейін ниеті жоқ екені айтылған.
«Қазақстандық БАҚ-тар «Динамо» ойыншысы Бахтиёр Зайнутдиновтың мансабын қарағандылық «Шахтерде» жалғастыруы мүмкін екенін хабарлады. Айтуларынша, 28 жастағы футболшы соңғы рет 2025 жылдың қазан айында алаңға шыққан және командасын ауыстырғысы келеді. Бірақ бұл – жалған ақпарат.
Біздің мәліметіміз бойынша, Бахтиёр жарақатынан тезірек айығып, алаңға оралуға үмітті. Ол, кем дегенде, қысқа дейін ешқайда кетуді жоспарламайды», — деп жазады «Мутко против».
Еске салайық, Зайнутдинов өткен жылдан бері ауыр жарақатына байланысты алаңға шыққан жоқ. Қазан айында ол «Ахматқа» қарсы матчта ауыр жарақат алып, маусым соңына дейін қатардан шығып қалған болатын.
2025/26 маусымында Қазақстан құрамасының ойыншысы Мәскеу клубының сапында он матчқа қатысып, алайда нәтижелі әрекеттерімен көзге түсе алған жоқ.
Бұған дейін Зайнутдиновтың қашан қатарға қосылатыны белгілі болғаны хабарланған еді.
