Игорь Шацкий Криштиану Роналдудың Португалия құрамасындағы жанжалы туралы пікір білдірді
Қазақстан құрамасының бұрынғы қақпашысы Игорь Шацкий Криштиану Роналду мен Португалия құрамасының бас бапкері арасындағы жағдайға қатысты пікір білдірді. Оның ойынша, португалиялық жұлдызбен арадағы жанжалды жұмсақ жолмен шешуге болатын еді, деп хабарлайды Sports24.kz.
Fustal Kazakhstan YouTube-арнасына берген сұхбатында Шацкийден Португалия құрамасындағы жағдай және Криштиану Роналду мен команданың бас бапкері арасындағы жанжал туралы не ойлайтыны сұралды.
«Әрине, Instagram-нан жаңалықтарды көріп қаламын. Ішінде болмай, қандай да бір қорытынды жасау қиын. Ал сырттай қарасақ, мұндай адамға бұлай қарауға болмайтын шығар. Ол — өте үлкен тұлға. Бұл жағдайды сәл жұмсағырақ жолмен шешуге болар еді», - деді Шацкий.
Роналду мен Португалия құрамасы арасында не болды?
1 қазанда Роналду бапкерлер штабымен келіспеушіліктен кейін ұлттық құраманың орналасқан жерінен кетіп қалды. Жорже Жезуш 41 жастағы шабуылшыны Норвегияға қарсы матчта алаңға шығармады. Кейін маман футболшының келесі ойында да қосалқы құрамда қалуы мүмкін екенін мәлімдеді.
Португалия футбол федерациясы тәртіптік іс қозғап, Роналдуды уақытша шеттетті. Кейін шабуылшы бұл әрекеті үшін кешірім сұрап, жазаны қабылдауға дайын екенін айтты.
