«Вильярреал» - «Барселона» - 0:2. Ямаль екінші таймда бәрін шешті. Голдар және матчқа бейнешолу
21 желтоқсанда «Барселона» Ла Лиганың кезекті турында сырт алаңда «Вильярреалға» қарсы сенімді ойын өткізіп, «Эстадио де ла Серамикадан» маңызды үш ұпайды алып қайтты.
Каталондықтар матчтың алғашқы минуттарынан-ақ ойын тізгінін өз қолына алып, бұл басымдықты тез арада есепке айналдырды. 12-минутта Рафинья пенальтиді мүлтіксіз орындап, кездесудегі есепті ашты. Алаң иелері қарсылық көрсетуге тырысқанымен, 39-минутта Рамон Вейганың алаңнан қуылуы олардың жоспарын күрт өзгертті - «Вильярреал» үзіліске дейін-ақ он ойыншымен қалды.
Екінші таймда «Барселона» жағдайды толық бақылауда ұстап, ойынды сабырмен жеңіске жеткізді. 63-минутта Ламин Ямаль қорғаныстағы бос кеңістікті ұтымды пайдаланып, есепті еселеді - 2:0. Бұдан кейін қонақтар есепке сай ойнап, қарсыласқа қауіпті сәттер жасауға мүмкіндік берген жоқ.
Назарларыңызға матчтың бейнешолуын ұсынамыз.
