«Бұған дайын болуы керек». «Барселонаның» бас бапкері Ямальға ескерту жасады
Флик «Вильярреал» қорғаушысының алаңнан қуылуын түсіндірді
Футбол
Аружан Темірбек
Редактор
ФОТО: Getty images
«Барселона» бас бапкері Ханси Флик Ла Лиганың 17-турында өткен «Вильярреалға» қарсы матчтағы Ренато Вейганың алаңнан қуылуына қатысты пікір білдірді. Неміс маманы төрешінің шешімін қолдап, Ламин Ямальмен болған эпизодқа жеке тоқталды.
«Мен үшін бұл – анық қызыл қағаз. Ямальға қарсы үнемі қатаң ойнайды, оны тура мағынасында «аңдиды». Ол бұған дайын болуы керек», – деді Флик ойыннан кейін.
Еске сала кетейік, «Барселона» бұл кездесуде «Вильярреалды» 2:0 есебімен сенімді түрде ұтты. Кездесудің соңғы минуттарында Ламин Ямаль есепті еселеп, матчтағы барлық сұрақты біржола жапты.
17 тур қорытындысы бойынша «Барселона» 46 ұпаймен Ла Лиганың турнирлік кестесінде жеке-дара көш бастап тұр және чемпиондық жарыста өз артықшылығын сақтап келеді.
