ВИДЕО: Чесноков \"Крылья Советов\" сапындағы дебюті туралы пікір білдірді
Ислам Чесноков "Крылья Советов" сапындағы дебюті туралы пікір білдірді, деп хабарлайды Sports24.kz.
Қазақстан құрамасының вингері самаралық команда үшін алғашқы кездесуін бастан өткерді – ол негізгі құрамда алаңға шығып, тольяттиндік "Акронға" қарсы матчта өнер көрсетті. Чесноков 64-минутта алаңнан алмасып, сол уақыт аралығында сары қағаз алып үлгерді, бірақ нәтижелі әрекетпен көзге түсе алмады.
Ойын Самарадағы "Солидарность Самара Арена" стадионында өтті. Бұл кездесуде алаң иелері 3:0 есебімен ірі жеңіске жетті.
"Крылья" биылғы РПЛ маусымындағы алғашқы жеңісін тойлап, турнирлік кестеде 11-орынға көтерілді. Бес ойыннан кейін команданың еншісінде бес ұпай бар.
Келесі турда "Крылья Советов" Самарада өз алаңында "Краснодарды" қабылдайды. Бұған дейін самаралықтар Ресей кубогында "Балтикаға" қарсы ойнайды (2 қыркүйек).
Еске салсақ, Чесноков "Крыльяға" қостанайлық "Тобылдан" жалға алу шарты бойынша қосылған болатын. Ресейлік клуб Ислам үшін ағымдағы күнтізбелік жылдағы үшінші командаға айналды. 2026 жылдың алғашқы бес айында қазақстандық ойыншы шотландиялық "Хартс" сапында өнер көрсетіп, ел біріншілігінің күміс жүлдесін жеңіп алды.
