Тоғыз ай үзілістен кейін қайта оралды: Дани Карвахаль ПСЖ-мен жартылай финалда алаңға шықты
Футбол
Аружан Темірбек
Редактор
ФОТО: Getty images
2025 жылғы клубтар арасындағы әлем чемпионатының жартылай финалында «Реал Мадрид» пен ПСЖ арасындағы матч Дани Карвахаль үшін ерекше сәтке айналды. Испаниялық қорғаушы ауыр жарақатынан кейін тоғыз ай өткен соң алаңға қайта оралды.
Ол соңғы рет 2024 жылдың қазан айында Ла Лигадағы «Вильярреалға» қарсы ойында («Реал» 2:0 есебімен жеңіске жеткен) алаңға шыққан болатын. Сол ойында Карвахаль алдыңғы тізе байламын үзіп алып, маусымның қалған бөлігін өткізіп алған еді.
10 шілдеде өткен жартылай финалдық ойында, 71-минутта, Карвахаль Гонсало Гарсияның орнына алаңға шықты. Арада екі минут өтпей жатып сары қағаз алғанымен, бұл сәт оның қайта оралуын көлеңкелеген жоқ.
