«Тобыл» бес гол соғылған суперматчта «Қайсарды» тізе бүктірді
Қазақстан Премьер-лигасының 21-турынан кейінге шегерілген ойында «Тобыл» «Қайсарды» жеңіп, қиын жеңіске қол жеткізді, деп хабарлайды Sports24.kz.
Ойын барысында қостанайлықтар үш рет алға шықты, оның екеуі — бірінші таймда. Дегенмен, алғашқы 45 минутта «қасқырлар» есепті екі рет теңестіріп үлгерді, бірақ екінші кезеңнің ортасында «Тобылдың» серб легионері Урош Миловановичтің соққысынан кейін жауап қайыра алмады.
- Сондай-ақ оқыңыз: КПЛ-дың кейінге қалған «Тобыл» — «Қайсар» матчына құрамдар белгілі болды
Нәтижесінде Мирослав Ромащенко бастаған команда үш ұпай еншілеп, «Тобылдың» алғашқы бестікке таласу мүмкіндігін сақтап қалды. Ал «Қайсар» төменгі орындардан ұзап шығу мүмкіндігін жіберіп алды — қызылордалықтар 15-орындағы «Жетісудан» бір ғана ұпай алшақта қалып отыр.
Айта кетейік, бұл ойында Андрей Ферапонтовқа Виктор Мозес көмек көрсете алмады — нигериялық ойыншы Қостанайда өткен кездесуді сары қағаздардың көптігіне байланысты өткізіп жіберді.
Футбол. КПЛ, 21-тур
«Тобыл» — «Қайсар» — 3:2
Голдар: Мякиш, 4, Марочкин, 27, Милованович, 70 (пенальти) — Мұхамед, 13, 49
