Суперкомпьютер «Қайраттың» Еуропа Лигасы плей-офф кезеңіндегі қарсыласын атады
«Қайрат» Чемпиондар лигасының үшінші іріктеу кезеңінде «Левскиге» жалпы есепте 0:2 есебімен есе жіберді, енді алматылықтар Еуропа лигасының плей-офф раундына дайындық үстінде. Бұл кезеңдегі қарсылас 13 тамыз кешінде белгілі болады, бірақ суперкомпьютер оны қазірдің өзінде анықтап қойды, деп хабарлайды Sports24.kz.
Еуропа лигасының плей-офф кезеңінде Рафаэль Уразбахтин шәкірттері үшінші іріктеу кезеңіндегі ПАОК (Грекия) — «Андерлехт» (Бельгия) жұбының жеңімпазымен кездеседі, ал FMD суперкомпьютері бұл жұпта «Қайрат» — «Андерлехт» матчтары өтетінін болжауда.
- Сондай-ақ оқыңыз: «Левски» «Қайратқа» қарсы матчтың қорытындысын шығарды
Бельгиялықтар алғашқы ойында, Салоникиде 1:0 есебімен жеңіске жетті. Сарапшылар атақты клуб өз мүмкіндігін жібермейді деп санайды. «Андерлехттің» келесі кезеңге өту ықтималдығы – 70%, ал ПАОК-тың Бельгияда жағдайды өзгерту мүмкіндігі тек 30% деп бағалануда.
Еске сала кетейік, Еуропа лигасының плей-офф кезеңінің матчтары 20 және 27 тамызда өтеді. Бұл жұпта «Қайрат» алғашқы ойынды өз алаңында, қарымта ойынды қарсылас алаңында өткізеді.
Жеңіс алматылықтарды Еуропа лигасының негізгі кезеңіне шығарады, ал жеңіліс оларды Конференциялар лигасының дәл сол кезеңіне жібереді.
