«Сіздер «Барселонадан» да күлкілісіздер»: «Атлетико» Альварес бойынша сұраныстан кейін «Реалға» тиісіп өтті
«Матрасниктердің» SMM-і ешкімді аямайды, тіпті өз көршілерін де
Футбол
Жантөре Қайсаров
Редактор
ФОТО: Getty Images
Мадридтік «Атлетико» өзінің Х әлеуметтік желісіндегі парақшасында «Реалдың» Хулиан Альвареске қатысты сатып алу сұранысына жасаған мәлімдемесіне жауап берді, деп хабарлайды Sports24.kz.
«Матрасниктер» бұл жағдайға өз мәнерінде жауап беріп, «сливочныйларға» біраз күлкілі троллинг арнады:
«Біздің көршілеріміз «Реалдың» ресми мәлімдемесіне қатысты біздің ресми түсініктемеміз:
- Видеодағы Папа Римдікпен болған сәттің бір бөлігі кесіліп қалған, ал ол жерде ол да «Атлетикоға» жанкүйер екенін айтқан.
- Сіздер сыпайылықты алғыс деп шатастырған шығарсыздар, бірақ күмән болмас үшін: біз сіздерге ешқашан алғыс айтпаймыз.
- Біз Альвареске қатысты ешқандай ұсынысты қарастырған да, бағалаған да жоқпыз.
- Сіздер бізді «Барселонадан» да қатты күлдіресіздер, қалай тату болмасқа?!
P.S. Сіздердің жаңа президенттеріңізбен жақсы қарым-қатынасты пайдаланып, біздің академиямыздан ойыншыларды «тартып» алуды тоқтатасыздар ма екен? Үлкен рақмет, «Реал», — делінген жарияланымда.
Айта кетейік, жақында «Атлетико» Альварестің ауысуы туралы қауесеттерге байланысты «Барселонаға» да троллинг жасаған болатын.
