Сенсация: «Манчестер Сити» жұлдызды ойыншының трансферіне келісім берді
«Тоттенхэм» шабуылшы Омар Мармуштың трансфері бойынша «Манчестер Ситимен» ауызша келісімге келді, деп хабарлайды Sports24.kz.
Бұл туралы белгілі инсайдер Фабрицио Романо мәлімдеді. Тараптар бастапқыда сатып алу құқығымен жалға беру туралы келіскен. Белгілі бір шарттар орындалған жағдайда сатып алу міндетті болады, ал трансфердің толық сомасы 50 миллион фунт стерлингті құрайды.
Мармуштың өзі «Тоттенхэмге» ауысуға келісімін берген. Романоның айтуынша, мысырлық шабуылшы бірнеше күн бұрын Лондон клубымен жеке шарттар бойынша келісіп қойған, сондықтан трансфер аяқталуға жақын.
Күтілгендей, мысырлық ойыншы дүйсенбі күні Лондонға келіп, трансферді ресімдеуге дейін медициналық тексерістен өтеді. Бұдан кейін ресми хабарландыруға дейін тек соңғы формальді жайттар ғана қалады.
Осылайша, Лондон клубы ірі жаңартудың алдында тұр, ал Мармуш өз ауысуына дайындық үстінде. Медициналық тексерістен ешқандай кедергі болмаса, трансфердің ресми расталуы жақын арада жариялануы мүмкін.
Айта кетейік, бүгін «Манчестер Сити» мінез көрсетіп, «Борнмутты» «Этихадта» 84-минутқа дейін ұтылып жатқанда жеңіп кетті.
