Сатпаевтың Чемпионшипте «Бернли» сапында өткізген матчтағы бағасы белгілі болды
«Бернли» Дастан Сатпаевпен бірге Чемпионшиптің 12-туры аясында «Линкольннен» (1:4) ойсырай жеңілді, деп хабарлайды Sports24.kz.
Қазақстандық шабуылшы «Бернлидің» негізгі құрамына енгізілді. 18 жастағы форвард алаңда 59 минут өткізіп, кейін ауыстырылды. Ол нәтижелі әрекетімен көзге түсе алмады.
Livescore статистикалық порталының нұсқасы бойынша, Сатпаевтың бүгінгі ойынына 6,5 деген баға қойылды. Бұл матчқа қатысқан «бордолылар» арасындағы алтыншы үздік көрсеткіш.
Айта кетейік, «Линкольннен» жеңілу «Бернлидің» турнирлік жағдайын одан әрі қиындата түсті. Ники Хайеннің командасы 12 ойыннан кейін 8 ұпай жинап, Чемпионшип турнир кестесінде 22-орында тұр. Қазір команда төмендеу аймағында орналасқан.
Чемпионаттың келесі турында «бордолылар» 31 қазанда «Портсмутты» қабылдайды.
