Сатпаев «Бернлиге» «Вулверхэмптонмен» матчта ұпай жинауға көмектесе алмады
17 қазанға қараған түні Дастан Сатпаевтың «Бернлиі» Англия чемпионатының 11-туры аясында өз алаңында «Вулверхэмптонды» қабылдады, деп хабарлайды Sports24.kz.
«Бордолылар» сәтсіз өнер көрсетіп, есепте алғаш болып алға шыққанына қарамастан, 1:2 есебімен жеңіліп қалды.
«Бордолылардың» жұлдызды шабуылшысы Джейми Варди Англия футболына оралғаннан кейін алғашқы голын соқты. 39 жастағы ағылшын шабуылшысы «Вулвзға» қарсы матчтың 20-минутында есеп ашты.
Қонақтар 39-минутта Фернандо Лопестің голы арқылы таразы басын теңестірді. Ал екінші таймда Таванда Чирева «қасқырларды» алға шығарды. Бұл гол матчтағы жеңіс добына айналды.
Қазақстан құрамасының шабуылшысы Дастан Сатпаев матчты «бордолылардың» қосалқы орындығында бастады. Қазақстандық футболшы 61-минутта алаңға қосылып, 30 минуттан сәл астам уақыт ойнады.
11 матчтан кейін «Бернлидің» еншісінде 8 ұпай қалды. Никки Хайен шәкірттері турнир кестесінде 21-орында тұр және тур қорытындысы бойынша төмендеу аймағына түсіп қалуы мүмкін.
Сатпаевтың командасы келесі матчын 24 қазанда сырт алаңда «Линкольнге» қарсы өткізеді.
Чемпионшип, 11-тур
«Бернли» — «Вулверхэмптон» 1:2
Голдар: Варди, 20 – Лопес, 39, Чирева, 72
