Рыбакина Нинбодағы турнир финалына шығуына қатысты пікір білдірді
Елена Рыбакина Қытайдың Нинбо қаласында өткен WTA 500 турнирінің финалына шығуына қатысты пікір білдірді, деп хабарлайды Sports24.kz.
Жартылай финалдық кездесуде әлемнің бірінші ракеткасы WTA әлемдік рейтингінде 13-орында тұрған Ресей өкілі Диана Шнайдермен кездесті. Рыбакина екі сетте сенімді жеңіске жетті: 6:3, 7:5.
«Диана керемет ойнады. Солақай теннисшілерге қарсы ойнау әрдайым қиын, турда олардың саны көп емес. Маған уақыт қажет болды. Қабылдауым жаман болмады деп ойлаймын, бірақ доп алмасу кезінде ойын өрнегін өзгерту маған сәл қиынға соқты. Тағы да айтарым, ол тамаша ойнады.
Екі сетте жеңіске жете алғаныма қуаныштымын. Екінші сетте біраз қиындықтарға тап болдым, бірақ жалпы жеңісіме көңілім толады», — деді Рыбакина жеңістен кейін.
Қазақстандық теннисші турнирдегі жеңіс үшін Канаданың өкілі Лейла Фернандеспен күш сынасады. Финалдық матч жексенбі, 25 қазанда өтеді. Рыбакина үшін бұл Нинбодағы чемпиондық атағын қорғауға мүмкіндік болады.
