Самородов Армениямен болған тең ойыннан кейін өз голын бағалады
Қазақстан құрамасы мен Грозныйдың «Ахмат» клубының шабуылшысы Максим Самородов Sports24.kz сайтына берген эксклюзивті сұхбатында Арменияға қарсы өткен жолдастық матчтағы тең есепті бағалады.
Кездесу Еревандағы Вазген Саркисян атындағы Республикалық стадионда өтті және 1:1 есебімен аяқталды. Бірінші таймда командалар есеп аша алмады, ал екінші бөлікте жанкүйерлер екі голдың куәсі болды. 50-минутта Самородов есеп ашты, алайда 53-минутта Армения құрамасының жартылай қорғаушысы Эдуард Сперцян таразы басын теңестірді.
Ойыннан кейін Самородов матчтың тең дәрежеде өткенін, әрі жеңіс кез келген команданың еншісінде болуы мүмкін болғанын атап өтті.
«Жақсы қарсыласқа қарсы жақсы матч өтті. Армения құрамасында білікті ойыншылар көп екен. Жалпы айтқанда, біз де жеңіске жете аламыз, ұтылып та қалуымыз мүмкін еді. Құдайға шүкір, қақпашыларымыз бізді талай мәрте құтқарып қалды», – деді Самородов.
Сонымен қатар, форвард ұлттық құрама сапындағы кейбір ойыншылардың дебюты туралы пікір білдірді.
«Жалпы, жақсы жігіттер. Оларды құрамада алғаш көрген күннен бастап ұнады. Жарайсыңдар, басқа айтарым жоқ», – деді шабуылшы.
Самородов өз голы туралы пікір білдірді
Бұл ойында Самородов гол авторы атанды. Гол мансабындағы ең әдемі голдардың бірі болды ма деген сұраққа футболшы сабырлы жауап берді.
«Мүмкін, иә, ең әдемілерінің бірі шығар. Бұл – жағдайға байланысты. Солай болып қалды, бұған түсініктеме бере алмаймын. Не болса, соны болды. Құдайға шүкір, гол соқтым», – деді ойыншы.
Алда Венгриямен матч
Армениямен кездесуден кейін Қазақстан құрамасын тағы бір жолдастық матч күтіп тұр. 9 маусым күні Талғат Байсуфиновтің командасы Дебреценде Венгрияға қарсы ойнайды.
Самородов команда келесі қарсыласқа дайындыққа көшкенін айтты.
«Иә, алда Венгрия. Қателіктермен жұмыс істейміз. Бұл матчты тағы қарап, келесі ойынға дайындаламыз», – деп түйіндеді футболшы.
Айта кетейік, сол күні Армения құрамасы да жолдастық матчта Молдоваға қарсы алаңға шығады.
