Роналду жанкүйерлері «кінәліні» тапты: марқұм Жотаға ДР Конгомен матчтан кейін өтініштер қарша борады
Криштиану Роналдудың жанкүйерлері марқұм Диогу Жотаның Instagram-дағы соңғы жазбасындағы пікірлер бөлімін толтырды, деп хабарлайды Sports24.kz.
Жанкүйерлер португалиялық шабуылшыны ойын кезінде Роналдуға жиі пас беруге шақырып, ұлттық құрамада КриРо-ға бағытталған пастардың жетіспейтінін баса айтады. Пікірлерде қолданушылар «Роналдуға пас бер» деген сияқты сөздер жазып, Жотаға ұлттық құраманың капитанын ұмытпауын еске салады.
Кейбір жанкүйерлер Португалия құрамасының ойыншыларына да эмоциялық үндеулер жасап, бұл турнир Криштиану үшін аса маңызды болуы мүмкін екенін ескертуде.
Бұл жағдай әлеуметтік желілерде тез тарап, енді фанаттар CR7-нің жанкүйерлері тек ойынға ғана емес, ұлттық құраманың Instagram-аккаунттарына да әсер етіп жатқанын талқылап жатыр.
Айта кетейік, бұған дейін Роналдудың әпкесі Португалия құрамасына қатты сын айтқан болатын.
Еске салсақ, Португалия 2026 жылғы ӘЧ-де алғашқы матчта ДР Конгомен 1:1 есебімен тең түсті. Ал Криштиану бұл ойында өз деңгейінде өнер көрсете алмады.
