«Ордабасы» - «Астана». Тікелей эфир. LIVE-көрсетілім
12 қыркүйекте Шымкентте Қазақстан Премьер-лигасының 26-туры аясындағы орталық матчтардың бірі өтеді. «Ордабасы» өз алаңында «Астананы» қабылдайды, деп хабарлайды Sports24.kz.
Қос команда да бұл кездесуге чемпионат көшбасшыларының қатарында келеді. 25 турдан кейін «Ордабасы» 55 ұпаймен турнир кестесінде екінші орында тұр. «Астана» 45 ұпаймен үшінші сатыда келеді.
Өткен турда шымкенттік клуб «Оқжетпеске» қарсы матчта жеңісті уысынан шығарып алды. «Ордабасы» 2:1 есебімен алда тұрғанымен, басымдығын финалдық ысқырыққа дейін сақтай алмады.
Ал «Астана» өткен турда «Елімайды» 3:0 есебімен сенімді түрде жеңді.
Биылғы маусымда командалар бір рет кездесіп үлгерді. Бірінші айналымдағы ойын 1:1 есебімен тең аяқталды.
Жалпы жеке кездесулер тарихында басымдық «Астана» жағында. Дегенмен соңғы маусымдарда екі команданың ойындары әлдеқайда тартысты өтіп, «Ордабасы» елордалық клубтан тұрақты түрде ұпай алып жүр.
«Ордабасы» - «Астана» матчы 12 қыркүйекте Шымкентте өтеді. Кездесу Астана уақытымен 19:00-де басталады. Тікелей трансляцияны Qazsport телеарнасынан көруге болады.
