ВИДЕО: «Оқжетпес» «Ордабасыдан» жеңісті жұлып алды
«Оқжетпес» Қазақстан Премьер-лигасының 25-турындағы матчта «Ордабасыны» қабылдады, деп хабарлайды Sports24.kz.
Бұл кездесуді осы турдың орталық матчы деп нық сеніммен атауға болады, өйткені чемпионаттың төртінші және бірінші орындарындағы командалар кездесті.
«Қайратпен» чемпиондық титул үшін қызу күрес жүргізіп жатқан қонақтар 14-минутта Бьорн Йонсеттің дәл соққысынан кейін есеп ашты. Командалар үзіліске шымкенттіктердің минималды басымдығымен кетті.
Алайда алаң иелері саспай, екінші таймның басында есепті теңестірді: Нұрғаини Бөрібаев пенальтиді дәл орындады. Бұдан бөлек, матч соңында Леонардо Де Ассунсау «Оқжетпеске» үш ұпай алып берді!
Бұл нәтиже чемпиондық титул үшін күрестегі интриганы одан әрі күшейтті. «Ордабасы» бір матч артық өткізіп, «Қайраттан» бір ұпайға алда келеді. Ал «Оқжетпес» «Астанамен» ұпай санын теңестірді (42 ұпайдан), алайда елордалық команда екі матч кем өткізген.
ҚПЛ, 25-тур
«Оқжетпес» – «Ордабасы» 2:1
Голдар: Бөрібаев, 49 (пенальтиден), Де Ассунсау, 82 – Йонсен, 14
