Молдова құрамасының ойыншысы Қазақстанмен Ұлттар лигасындағы матч туралы пікір білдірді
Молдова құрамасының жартылай қорғаушысы Виктор Стынэ Қазақстанмен Ұлттар лигасындағы қарымта матчтан не күтетінін айтты, деп хабарлайды Sports24.kz moldfootball.com сайтына сілтеме жасап.
Футболшы Қазақстан құрамасы топта соңғы орында тұрғанын және алғашқы кездесудегі жеңілісі үшін қарымта қайтаруға ынталы болатынын атап өтті.
«Олар топта соңғы орында тұр және алғашқы матчтағы жеңілістен кейін қарымта қайтарғысы келеді. Біздің де қол жеткізуге тиіс мақсаттарымыз бар. Біз жеңіске жеткіміз келеді, одан кейін бізді Фарер аралдарында тағы бір маңызды ойын күтіп тұр», - деді Стынэ.
Еске салайық, 2 қазанда Астанада өткен алғашқы кездесуде Молдова құрамасы Қазақстанды 2:1 есебімен жеңді.
Қарымта матч жұма, 13 қараша күні Кишиневтегі «Зимбру» стадионында өтеді. Кездесу Қазақстан уақытымен 22:00-де басталады.
УЕФА Ұлттар лигасының 2026/2027 жылғы маусымындағы топтық кезеңнің төрт турында Словакия құрамасы 10 ұпаймен C3 тобында бірінші орында келеді. Фарер аралдары мен Молдова төрт ұпайдан жинап, тиісінше екінші және үшінші орындарда тұр. Қазақстан құрамасы екі ұпаймен кестені түйіндейді.
Қазақстан құрамасы Ұлттар лигасындағы қалған матчтарын қашан өткізеді
